اهداء

[عيون عذارى]

وتذبلين اطراف صورة
كانت بركن السعادة
ألبوم خاص بـ غرفتك
اوعديني .. لاقلبتي هالصور
تحرقيني .. او تبوسي
قسوة الأيام .. وبالمرة تجيني

اوعديني ..
لاسها جفنك على عين الحقيقة
ولامسكتي طرف خيطه بأي طريقة
تريحيني .. وتكتبيني تحت صورة
حيل ظالم .. والمسافة بيننا ترحال
والليالي بدلت حال القلوب .. لـ أقسى حال
اوعديني ياحبيبة .. اوعديني
انك بلحظة حنان ..
ولحظة امواج المحبة
تغرقيني‍

اوعديني ..
كل ماشفتي خيالي بـ وسط صورة
(( تصفعين )) الفرح في وجه الكآبه
وتقرصين السطر في عز الكتابة
وتمسحيني .. من خيالك
من وجودك .. من دلالك
اوعديني .. ياحبيبة
لو تنور كل أركان الملامح
تطفئيني‍ ..

اوعديني ..
لو لمحتي دمعة تنزل من عيوني
تبلل زاوية بـ صورة غريبة
تمسحيها .. بمعطفك
لو لمحتي كلمة بين الشفايف ..
تلمّح لـ كلمة (( أحبك ))
اجرحيها .. بـ دم ذوقك
واسحبيها .. لاتخليها تعاني
سكرة الحب الأناني ..
ومن وسط تسريحتك
منديل ريحه ريحتك
تمسحين الدمعة من عيني
وكلمة حرقت فيني حنيني
تمسحين .. وتمسحين .. وتمسحين
وتمسحيني ... !!!

في الأخير ..
اليا رميتي صورتي
لاتسأليني
ليه انا قلت اوعديني
لاتجيني .. ( لا ) تبيني ..
ماني الشخص المناسب
لا زماني .. لا حناني
لا مكاني .. لا وجودي
هو المناسب .. !!
اوعديني ياحبيبة
اوعديني تشققيني
وتكتبين بـ وسط صدري
حب عابر .. مر من ضمن المواكب ..
واعـدمـيـنـي .. !!!

[رسام المشاعر]

صرررراحه بدااايه قوووي تخووفين
يعطيك الف عافيه تقبلي مررروووري المتواضع

[روح الروح]

اوعديني ..
لو لمحتي دمعة تنزل من عيوني
تبلل زاوية بـ صورة غريبة
تمسحيها .. بمعطفك
لو لمحتي كلمة بين الشفايف ..
تلمّح لـ كلمة (( أحبك ))
اجرحيها .. بـ دم ذوقك
واسحبيها .. لاتخليها تعاني
سكرة الحب الأناني ..
ومن وسط تسريحتك
منديل ريحه ريحتك
تمسحين الدمعة من عيني
وكلمة حرقت فيني حنيني
تمسحين .. وتمسحين .. وتمسحين
وتمسحيني ... !!!


الله يعطيك العافيه

كل يوم بثوب جديد

تحياتي

[عيون عذارى]

يسلموااااااااااا والله يعطيكم العافيه

[فهودي]

ابداع قادم بقوه


الله يوفقك والى الامام


انتي مئه في مئه

مشكوره على الطرح الرائع