المساعد الشخصي الرقمي

مشاهدة النسخة كاملة : اخوان لو ماتجمعنا عروق وسلايل


عز ومهابه
06-10-2009, 03:03 AM
حنا أثنين أخوان واكثر من اخوان
لوماتجمعنا عروق وسلايل

لونختلف بأسماء وعروق واوطان
يبقى التشابه بيننا بالخصايل

وانا ليا مني بغيت اكسب انسان
اسعى له بكل السبل والوسايل

اعرف كيف ارد الاحسان باحسان
كيف احصد بذور الفضايل فضايل

اكسب عدو واحرق به قلوب عدوان
اشعل فتيله بس اطفي فتايل

وان خفت ضعف اخاف من ضعف الايمان
وان عفت حمل اعاف حمل الجمايل

تغرق شهيد ارحم من الموت عطشان
طيحة شموخ ولا وقوف امتمايل

ودك ليا من جيت في كل ميدان
لو مانت الاول بالصفوف الاوايل

خلك ليا عودت خسران خسران
ينقال عنك عامل لك عمايل

لاصرت تحلم احلم تكون سلطان
وان جيت تقنع اقنع بحلم زايل

الوقت غربه واخر الدرب عنوان
والعمر رحله والتجارب رحايل

وانا كثر مالي من الناس خلان
اللي صفولي بالشدايد قلايل

شايف حسد قل شايف اشكال والوان
قابلت ظلم الا لقيت الهوايل

ان عشعش بصدري من الغبن شيطان
وتسددت دوني جميع الوسايل

با ألقى من عيال الحمايل كحيلان
اللي يكفي عن عيال الحمايل

مرات ربك يرزقك خوة انسان
واحد ويسوى في عيونك قبايل

روح الروح
06-10-2009, 01:15 PM
يعطيك العافيه علي النقل الجميل


تقبلي مروري

عز ومهابه
06-10-2009, 05:36 PM
شكراً لحضورك الغالي المُنير

كل الشكر

تلومني فيك
06-11-2009, 02:31 AM
مرات ربك يرزقك خوة انسان
واحد ويسوى في عيونك قبايل

يعطيك العافيه اختيار رائع

عز ومهابه
06-11-2009, 02:57 AM
اسعدني مرورك وتعطيرك متصفحي